തിരുവനന്തപുരം: എസ്.എസ്.എല്‍.സി പരീക്ഷകള്‍ പൂര്‍ത്തിയായി. ഇന്നും നാളെയുമായി ഹയര്‍സെക്കന്‍ഡറി പരീക്ഷകളും പൂര്‍ത്തിയാവും. 422112 വിദ്യാര്‍ഥികളാണ് സംസ്ഥാനത്ത് ആകെ എസ്.എസ്.എല്‍.സി പരീക്ഷയെഴുതിയത്. ആദ്യ ദിവസം 373 വിദ്യാര്‍ഥികളും രണ്ടാം ദിവസം 356 വിദ്യാര്‍ഥികളും ഇന്നലെ 338 വിദ്യാര്‍ഥികളും എസ്.എസ്.എല്‍.സി പരീക്ഷയെഴുതാനെത്തിയില്ല. ജൂണ്‍ 15ന് മുന്‍പ് ഫലപ്രഖ്യാപനമുണ്ടാകുമെന്നാണ് പ്രതീക്ഷിക്കുന്നത്.