തിരുവനന്തപുരം: സംസ്ഥാനത്തെ ഹയര്‍സെക്കന്‍ഡറി പരീക്ഷകളുടെ രണ്ടാംഘട്ട മൂല്യനിര്‍ണയം ജൂണ്‍ ഒന്നിന് ആരംഭിക്കും. മൂല്യനിര്‍ണയത്തിനെത്തിയില്ലെങ്കില്‍ അധ്യാപകര്‍ക്ക് ഹാജര്‍ നഷ്ടമാവും. രണ്ടാംഘട്ട മൂല്യനിര്‍ണയ ക്യാംപുകളിലെ ഹാജര്‍ പതിവ് ഹജാരായി പരിഗണിക്കുന്നതിനാല്‍ അധ്യാപകര്‍ നിര്‍ബന്ധമായും മൂല്യനിര്‍ണയത്തിനെത്തണമെന്നും പൊതുവിദ്യാഭ്യാസ ഡയറക്ടര്‍ പുറത്തിറക്കിയ സര്‍ക്കുലറില്‍ പറയുന്നു.ആദ്യഘട്ടത്തില്‍ പൂര്‍ത്തിയായിട്ടില്ലാത്ത പ്ലസ്ടു, പ്ലസ് വണ്‍ വിഷയങ്ങളുടെ മൂല്യനിര്‍ണയമാണ് ജൂണ്‍ ഒന്നിന് ആരംഭിക്കുന്നത്.