വാടാനപ്പള്ളി: കാറിന് സൈഡ് നല്‍കിയില്ലെന്ന് ആരോപിച്ച് കെ.എസ്.ആര്‍.ടി.സി ബസ് തടഞ്ഞു നിര്‍ത്തി ഡ്രൈവറെ മര്‍ദിച്ച കേസില്‍ കാര്‍ യാത്രികരായ അച്ഛനെയും  മകനേയും വലപ്പാട് പൊലിസ് അറസ്റ്റ് ചെയ്തു. എറണാകളും സ്വദേശി ചിറ്റുവട്ടത്ത് സുരേഷ് (42), മകന്‍ രൂപേഷ് (20) എന്നിവരെയാണ് വലപ്പാട് പൊലിസ് അറസ്റ്റ് ചെയ്തത്. കഴിഞ്ഞ ദിവസം ഉച്ചയ്ക്ക് തൃപ്രയാര്‍ സെന്ററിലായിരുന്നു സംഭവം. എറണാകുളത്തുനിന്ന് പൊന്നാനിയിലേക്ക് പോവുകയായിരുന്ന കെ.എസ്.ആര്‍.ടി.സി ബസിലെ ഡ്രൈവര്‍ സാദിഖലിക്കാണ് മര്‍ദനമേറ്റത്. തൃപ്രയാര്‍ സെന്ററില്‍ കെ.എസ്.ആര്‍.ടി.സി ബസ് തടഞ്ഞു നിര്‍ത്തി ഇരുവരും ചേര്‍ന്ന് ഡ്രൈവറെ മര്‍ദിക്കുകയായിരുന്നു. മര്‍ദനമേറ്റ സാദിഖലിയെ വലപ്പാട് ഗവ.ആശുപത്രിയില്‍ പ്രവേശിപ്പിച്ചു. പ്രതികളെ പൊലിസ് കൊടുങ്ങല്ലൂര്‍ കോടതിയില്‍ ഹാജരാക്കി.