തിരുവനന്തപുരം: കൊവിഡ് ബാധയുടെ പശ്ചാത്തലത്തില്‍ സംസ്ഥാനത്തെ ജയിലുകളിലും നിയന്ത്രണം. റിമാന്‍ഡ് തടവുകാരെ ജയിലുകളില്‍ നേരിട്ട് പ്രവേശിപ്പിക്കില്ല. എല്ലാ ജില്ലകളിലും റിമാന്‍ഡ് തടവുകാരെ പാര്‍പ്പിക്കാന്‍ പ്രത്യേക കേന്ദ്രങ്ങളൊരുക്കും. ആശുപത്രികളും ഹോസ്റ്റലുകളുമാണ് തടവുകാര്‍ക്കുള്ള കേന്ദ്രങ്ങളാക്കുക. കൊവിഡ് ഫലം നെഗറ്റീവാണെങ്കില്‍ മാത്രം ഇവരെ പിന്നീട് ജയിലുകളിലേക്ക് മാറ്റും.
റിമാന്‍ഡ് പ്രതികള്‍ക്ക് കൊവിഡ് സ്ഥിരീകരിച്ച സാഹചര്യത്തിലാണ് തീരുമാനം.