എരുമപ്പെട്ടി: സുന്നി മഹല്ല് ഫെഡറേഷന്‍ സംസ്ഥാന കമ്മിറ്റി ഏപ്രില്‍ 26, 27 തിയ്യതികളില്‍ തൃശൂര്‍ വാദി ഖുബയില്‍ നടത്തുന്ന ദേശീയ പ്രതിനിധി സംഗമത്തിന്റെ പ്രചരണാര്‍ഥം തൃശൂര്‍ ജില്ലാ കമ്മിറ്റി സംഘടിപ്പിക്കുന്ന ജില്ലാ മഹല്ല് സംഗമം എരുമപ്പെട്ടി റംലി ഓര്‍ഫനേജില്‍ ഇന്ന് നടക്കും.
കാലത്ത് 9.45 ന് ആരംഭിക്കുന്ന സംഗമം എസ്.എം.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹൈദറലി ശിഹാബ് തങ്ങള്‍ ഉദ്ഘാടനം ചെയ്യും. ജില്ലാ പ്രസിഡന്റ് ചെറുവാളൂര്‍ ഹൈദ്രോസ് മുസ്‌ലിയാര്‍ അധ്യക്ഷനാകും. സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് സയ്യിദ് എസ്.എം.കെ. തങ്ങള്‍ പ്രാര്‍ഥന നടത്തും. സെക്രട്ടറി എം.ടി അബ്ദുള്ള മുസ്‌ലിയാര്‍ അനുഗ്രഹ പ്രഭാഷണം നടത്തും. എസ്.എം.എഫ് സംസ്ഥാന ജനറല്‍ സെക്രട്ടറി ഉമര്‍ ഫൈസി മുക്കം മുഖ്യപ്രഭാഷണവും, സെക്രട്ടറി പിണങ്ങോട് അബൂബക്കര്‍ പ്രമേയ പ്രഭാഷണവും നിര്‍വഹിക്കും. സമസ്ത ജില്ലാ സെക്രട്ടറി എം.എം. മുഹ്‌യിദ്ധീന്‍ മുസ്‌ലിയാര്‍, എസ്.വൈ.എസ്. സംസ്ഥാന ട്രഷറര്‍ ഹാജി.കെ.മമ്മദ് ഫൈസി, എസ്.കെ.എസ്.എസ്.എഫ്. സംസ്ഥാന വൈസ് പ്രസിഡന്റ് ഓണമ്പിള്ളി മുഹമ്മദ് ഫൈസി, എസ്.കെ.എസ്.എസ്.എഫ് സംസ്ഥാന ട്രഷറര്‍ ബഷീര്‍ ഫൈസി ദേശമംഗലം, ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് പി.ടി. കുഞ്ഞുമുഹമ്മദ് മുസ്‌ലിയാര്‍, എസ്.എം.എഫ് ജില്ലാ ജനറല്‍ സെക്രട്ടറി ഹംസ ബിന്‍ ജമാല്‍ റംലി, എസ്.എം.എഫ്. സംസ്ഥാന ഓര്‍ഗനൈസര്‍മരായ എ.കെ ആലിപ്പറമ്പ്, പി.സി ഉമര്‍ മൗലവി വയനാട്, സമസ്ത ലീഗല്‍ സെല്‍ സംസ്ഥാന ഓഫിസര്‍ അഡ്വ. മുഹമ്മദ് ത്വയ്യിബ് ഹുദവി, എസ്.എം.എഫ്. ജില്ലാ വര്‍ക്കിങ് പ്രസിഡന്റ് ഷറഫുദ്ദീന്‍ മൗലവി വെന്മേനാട്, എസ്.വൈ.എസ് സംസ്ഥാന സെക്രട്ടറി അബ്ദുള്‍ കരീം ഫൈസി,  ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍ സെക്രട്ടറി വി.എം. ഇല്യാസ് ഫൈസി, സമസ്ത ലീഗല്‍ സെല്‍ ജില്ലാ കണ്‍വീനര്‍ ബഷീര്‍ കല്ലേപ്പാടം, എസ്.എം.എഫ്. ജില്ലാ സെക്രട്ടറിമാരായ ഉസ്മാന്‍ കല്ലാട്ടയില്‍, ഷംസുദ്ദീന്‍ വില്ലന്നൂര്‍, എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ദീഖ് ബദരി, ട്രഷറര്‍ മഅ്‌റൂഫ് വാഫി, എസ്.എം.എഫ്. ജില്ലാ ട്രഷറര്‍ ഹംസ ഹാജി അകലാട് സംസാരിക്കും. ജംഇയ്യത്തുല്‍ ഉലമ ജില്ലാ അംഗം ആറ്റൂര്‍ അബു ഹാജി പതാക ഉയര്‍ത്തും. ജില്ലയിലെ 24 മേഖലകളില്‍നിന്നായി 3000 പ്രതിനിധികള്‍ പങ്കെടുക്കും.