തിരുവനന്തപുരം: അമ്മ സ്വതന്ത്ര സംഘടനയാണ്. അവിടെ  തീരുമാനങ്ങളെടുക്കാനുള്ള സ്വാതന്ത്ര്യം അവര്‍ക്കുണ്ടെന്നും സാസ്‌കാരിക മന്ത്രി കടകംപള്ളി സുരേന്ദ്രന്‍. താരസംഘടനയായ അമ്മയില്‍ ഇടതുപക്ഷ എം.പിയും എം.എല്‍.എമാരു ഉള്ളതൊന്നും പ്രശ്‌നമല്ലെന്നും സര്‍ക്കാര്‍ ഇരക്കൊപ്പമായിരിക്കുമെന്നും അദ്ദേഹം വ്യക്തമാക്കി.

സാംസ്‌കാരിക കേരളത്തിന് അപമാനകരമായ കാര്യമുണ്ടായപ്പോള്‍ ഗവണ്‍മെന്റ് ഇടപെട്ടിട്ടുണ്ട്. ഈ വിഷയത്തില്‍ സി.പി.എമ്മിനും സര്‍ക്കാറിനും ഒരേ നിലപാടാണെന്നും അദ്ദേഹം കൂട്ടിച്ചേര്‍ത്തു. സ്വതന്ത്രസംഘടനയായ അമ്മക്ക് എന്ത് നിലപാട് വേണമെങ്കിലും എടുക്കാം. എന്നാല്‍ കേരളത്തിന്റെ  സാസ്‌ക്കാരിക പാരമ്പര്യം ഉള്‍ക്കൊള്ളുന്ന സമീപനമാണ് അംഗങ്ങള്‍ സ്വീകരിക്കേണ്ടതെന്നും അദ്ദേഹം കൂട്ടിച്ചേര്‍ത്തു.