ന്യൂഡല്‍ഹി: കൊവിഡ് വ്യാപനത്തെ തുടര്‍ന്ന് ഡല്‍ഹിയുമായുള്ള സംസ്ഥാനാതിര്‍ത്തി ഹരിയാന അടച്ചു. അതിര്‍ത്തി അടക്കാന്‍ ഉത്തരവിട്ടതായി സംസ്ഥാന മന്ത്രി അനില്‍ വിജാണ് അറിയിച്ചത്. 

അതേസമയം, മഹാരാഷ്ട്ര, തമിഴ്‌നാട്, ഗുജറാത്ത്, മധ്യപ്രദേശ്, രാജസ്ഥാന്‍ എന്നീ സംസ്ഥാനങ്ങളില്‍നിന്നുള്ള വ്യോമഗതാഗതം നിയന്ത്രിച്ച് കര്‍ണാടക രംഗത്തെത്തിയിട്ടുണ്ട്. മഹാരാഷ്ട്ര, തമിഴ്‌നാട്, ഗുജറാത്ത് എന്നിവിടങ്ങളില്‍നിന്നുള്ള റോഡ് ഗതാഗതവും നിരോധിച്ചിട്ടുണ്ട്. നേരത്തെ ഈ അഞ്ചു സംസ്ഥാനങ്ങളില്‍നിന്നുള്ള എല്ലാവിധ യാത്രകളും കര്‍ണാടക നിരോധിച്ചതായി വാര്‍ത്തയുണ്ടായിരുന്നു.