പെരുമ്പാവൂര്‍: പെരുമ്പാവൂര്‍ ബി.ആര്‍.സിയുടെ പരിധിയിലുള്ള സ്‌കൂളുകളിലെ അധ്യാപകര്‍ക്കുള്ള അവധിക്കാല അധ്യാപക പരിശീലനം വരുന്ന 17 മുതല്‍ 25 വരെ വിവിധ സെന്ററുകളിലായി നടക്കും.
ഒന്ന് - രണ്ട് ക്ലാസുകളിലേത് ഒക്കല്‍ ഗവ. എല്‍.പി.എസിലും മൂന്നാം ക്ലാസുകള്‍ക്ക് പെരുമ്പാവൂര്‍ ബി.ആര്‍.സിയിലും നാലാം ക്ലാസിലേത് ജി.ജി.എച്ച്.എസ്.എസ് പെരുമ്പാവൂരിലും യു.പി സബ്ജക്ട് ആന്റ് യു.പി ലാഗ്യേജ് കുറുപ്പംപടി എം.ജി.എം സ്‌കൂളിലുമായി നടക്കും. ഹിന്ദി, അറബിക്, സംസ്‌കൃതം എന്നീ വിഷയങ്ങളിലെ യു.പി.എസ്.എ - പി.ഡി ടീച്ചര്‍ര്‍മാര്‍ക്കുള്ള ഐ.ടി പരിശീലനം വരുന്ന 17 മുതല്‍ 20 വരേയും നടക്കും.
ഒക്കല്‍, പെരുമ്പാവൂര്‍, കൂവപ്പടി ക്ലസ്റ്ററുകളിലെ അധ്യാപകര്‍ക്ക് ജി.ജി.എച്ച്.എസ്.എസ് പെരുമ്പാവൂരിലും വാഴക്കുളം ക്ലസ്റ്റുകളിലെ അധ്യാപകര്‍ക്ക് കുറുപ്പംപടി എം.ജി.എം സ്‌കൂളിലും വെങ്ങോല ക്ലസ്റ്ററുകളിലെ അധ്യാപകര്‍ക്ക് തണ്ടേക്കാട് ജമാഅത്ത് എച്ച്.എസ്.എസിലും പരിശീലനം നടക്കും.