പറവൂര്‍: ഭരണ ഘടനാശില്‍പ്പിയായിരുന്ന ഡോ.ബി.ആര്‍ അംബേദ്ക്കറുടെ 126 മത് ജന്മദിനാചരണം സി.പി.ഐ പറവൂര്‍ മണ്ഡലം കമ്മിറ്റിയുടെ നേതൃത്വത്തില്‍ നടത്തി. നഗരസഭാ അംബേദ്ക്കര്‍ പാര്‍ക്കിലുള്ള പ്രതിമയില്‍ സി.പി.ഐ ജില്ലാ സെക്രട്ടറി പി രാജു ഹാരാര്‍പ്പണവും പുഷ്പ്പാര്‍ച്ചനയും നടത്തി. കെ.എം ദിനകരന്‍, കെ.ബി അറുമുഖന്‍, എസ് ശ്രീകുമാരി, രമ ശിവശങ്കരന്‍, പി.ഡി വര്‍ഗ്ഗീസ്, കെ സുധാകരപിള്ള, കെ രാമചന്ദ്രന്‍, സുനില്‍ സുകുമാരന്‍,പറവൂര്‍ ആന്റണി തുടങ്ങിയവര്‍ നേതൃത്വം നല്‍കി.
പെരുമ്പാവൂര്‍: ഭാരതീയ ദലിത് കോണ്‍ഗ്രസ് കുറുപ്പംപടി ബ്ലോക്ക് കമ്മറ്റിയുടെ ആഭിമുഖ്യത്തില്‍ ഡോ. ബി.ആര്‍ അംബേദ്കറുടെ 126-ാം ജയന്തി മുടക്കുഴയില്‍ സംഘടിപ്പിച്ചു. ഐ.എന്‍.ടി.യു.സി ജന.സെക്രട്ടറി പി.പി അവറാച്ചന്‍ ഉദ്ഘാടനം നിര്‍വ്വഹിച്ചു. ദലിത് കോണ്‍ഗ്രസ് ബ്ലോക്ക് പ്രസിഡന്റ് പി.പി ശിവരാജന്‍ അധ്യക്ഷത വഹിച്ചു. ബി.ഡി.സി.എല്‍ സംസ്ഥാന സെക്രട്ടറി എ.സി ചന്ദ്രന്‍, മണ്ഡലം പ്രസിഡന്റുമാരായ കെ.കെ മഹേഷ് കുമാര്‍, കാര്‍ത്തിക ഗണപതി, പി.കെ രാജു, ഷാജി കീച്ചേരി, മാത്യു കാരിക്കുടി, മാത്യു വര്‍ഗ്ഗീസ്, എല്‍ദോ പാത്തിക്കല്‍ എന്നിവര്‍ സംസാരിച്ചു.