തിരുവനന്തപുരം: രണ്ട് ഡി.ജി.പിമാര്‍ ഉള്‍പ്പെടെ 18 പൊലിസ് ഉദ്യോഗസ്ഥര്‍ നാളെ പടിയിറങ്ങും. ഫയര്‍ഫോഴ്‌സ് മേധാവി എ.ഹേമചന്ദ്രനും മെറ്റല്‍ ഇന്‍ഡസ്ട്രീസ് എം.ഡി ജേക്കബ് തോമസുമാണ് പടിയിറങ്ങുന്ന ഡി.ജി.പിമാര്‍.

ഇവരെ കൂടാതെ ആലപ്പുഴ എസ്.പി ജെയിംസ് ജോസഫ്, തൃശൂര്‍ റൂറല്‍ എസ്.പി കെ.പി വിജയകുമാര്‍, പൊലിസ് ട്രെയിനിങ് കോളജ് പ്രിന്‍സിപ്പല്‍ എ.വിജയന്‍, അഡിഷനല്‍ എക്‌സൈസ് കമ്മിഷണര്‍ സാം ക്രിസ്റ്റി ഡാനിയല്‍, കണ്‍സ്യൂമര്‍ഫെഡ് എം.ഡി വി.എം മുഹമ്മദ് റഫീഖ്, ഇന്റലിജന്‍സ് എസ്.പിമാരായ കെ.എം ആന്റണി, ജെ. സുകുമാരപിള്ള, തീവ്രവാദവിരുദ്ധ സ്‌ക്വാഡ് എസ്.പി കെ.ബി വേണുഗോപാല്‍, പേരൂര്‍ക്കട എസ്.എ.പി കമാന്‍ഡന്റ് കെ.എസ് വിമല്‍, ക്രൈംബ്രാഞ്ച് എസ്.പി എന്‍. അബ്ദുല്‍ റഷീദ്, മനുഷ്യാവകാശ കമ്മിഷന്‍ എസ്.പി വി.എം സന്ദീപ്, കെ.എസ്.ഇ.ബി വിജിലന്‍സ് എസ്.പി ആര്‍. സുനീഷ് കുമാര്‍, കേപ്പ അസിസ്റ്റന്റ് ഡയരക്ടര്‍ റെജി ജേക്കബ് എന്നിവരുള്‍പ്പെടെ 18 ഉദ്യോഗസ്ഥരാണ് നാളെ വിരമിക്കുന്നത്. സമീപകാലത്ത് ആദ്യമായാണ് പൊലിസ് തലപ്പത്ത് ഇത്രയും പേര്‍ കൂട്ടമായി വിരമിക്കുന്നത്.