ബംഗളൂരു: അവസാന നിമിഷം വരെ കോണ്‍ഗ്രസ് പിന്തുണയ്ക്കുമെന്ന പ്രതീക്ഷയിലായിരുന്ന നടിയും അംബരീഷിന്റെ ഭാര്യയുമായ സുമലത മാണ്ഡ്യ സീറ്റില്‍ സ്വതന്ത്ര സ്ഥാനാര്‍ഥിയായി നാമനിര്‍ദേശ പത്രിക സമര്‍പ്പിച്ചു.

മാണ്ഡ്യ സീറ്റ് സഖ്യകക്ഷിയായ ജെ.ഡി.എസിനു നല്‍കിയ സാഹചര്യത്തിലാണ് സുമലതയ്ക്ക് ഇവിടെ കോണ്‍ഗ്രസ് പിന്തുണയോടെ മത്സരിക്കാന്‍ അവസരമില്ലാതായത്. ഈ മണ്ഡലത്തിലല്ലാതെ മത്സരിക്കില്ലെന്ന് അവര്‍ വ്യക്തമാക്കുകയും ചെയ്തിരുന്നു. ഇതിനിടയില്‍ ബി.ജെ.പി നേതാവ് എസ്.എം കൃഷ്ണയുമായി അവര്‍ ചര്‍ച്ച നടത്തുകയും ചെയ്തു.

മാണ്ഡ്യയിലെ തെരഞ്ഞെടുപ്പ് വരണാധികാരി കൂടിയായ ജില്ലാ കലക്ടര്‍ മുന്‍പാകെ നാമനിര്‍ദേശ പത്രിക സമര്‍പ്പിച്ച സുമലതയ്‌ക്കൊപ്പം കന്നഡ സിനിമാ രംഗത്തെ നൂറുകണക്കിനു പ്രമുഖരം എത്തിയിരുന്നു.