കൊച്ചി: എല്‍.ഡി.എഫ് സ്ഥാനാര്‍ഥി ലിസ്റ്റില്‍ കളങ്കിതര്‍ ഉണ്ടെന്ന ആരോപണം വീണ്ടും ഫേസ്ബുക്കിലൂടെ ഉന്നയിച്ച് വി.ടി ബല്‍റാം എം.എല്‍.എ. പി. ജയരാജന്‍, ഇന്നസെന്റ്്, ജോയിസ് ജോര്‍ജ്, പി.വി അന്‍വര്‍ എന്നിവരുടെ സ്ഥാനാര്‍ഥിത്വത്തെ ന്യായീകരിക്കുന്ന സി.പി.എം അണികളെ പരിഹസിച്ചാണ് വി.ടി ബല്‍റാം എം.എല്‍.എയുടെ കുറിപ്പ്. എല്‍.ഡി.എഫ് സ്ഥാനാര്‍ഥികളായ ജോയ്‌സ് ജോര്‍ജ്, പി.വി അന്‍വര്‍ എന്നിവരെ ബല്‍റാം പേരെടുത്ത് വിമര്‍ശിക്കുന്നുണ്ട്.

'ഡേയ്, കണ്‍മുന്നില്‍വച്ച് സ്വന്തം പിതാവിനെ വരെ അവര്‍ വെട്ടിക്കൊന്നാലും ഏത് ദാവൂദ് ഇബ്രാഹിമിനേയോ വീരപ്പനേയോ ആ പാര്‍ട്ടി ലേബലില്‍ മത്സരിപ്പിച്ചാലും നീയൊക്കെ ഇളിച്ചോണ്ട് പോയി കണ്ണുമടച്ച് ആ ചിഹ്നത്തില്‍ത്തന്നെ വോട്ട് ചെയ്യുമെന്ന് എല്ലാവര്‍ക്കും നേരത്തെ അറിയാം. എന്നാല്‍പിന്നെ ഇവിടെക്കിടന്ന് താത്വിക ഗീര്‍വാണങ്ങളും ഡയലോഗും അടിക്കാതെ ചുമ്മാ അത് പോയങ്ങ് ചെയ്താല്‍ പോരേ?' കുറിപ്പില്‍ ബല്‍റാം ചോദിക്കുന്നു.