പട്ടാമ്പി :  രൂക്ഷമായ കുടിവെള്ളക്ഷാമത്തിന്  യുദ്ധകാലാടിസ്ഥാനത്തില്‍ കുഴല്‍ കിണര്‍ അടിച്ച്  പരിഹാരമായി. ആമയൂര്‍ സെന്റര്‍ നിവാസികളാണ് രൂക്ഷമായ കുടിവെള്ളക്ഷാമത്താല്‍ വലഞ്ഞിരുന്നത്.
വാര്‍ഡ് മെമ്പര്‍ കൊട്ടിലിയില്‍ മുഹമ്മദ് കുട്ടിയുടെ ശ്രമഫലമായി  പട്ടാമ്പി ബ്ലോക്ക് പഞ്ചായത്ത് അനുവദിച്ച ഫണ്ടുപയോഗിച്ച് ആമയൂര്‍ കമ്പനി പറമ്പില്‍ കുഴല്‍ കിണര്‍ കുഴിച്ചത്.  അത്യാധുനിക പമ്പ് സെറ്റും ജല വിതരണ പൈപ്പുകളും വാട്ടര്‍ ടാങ്കും പമ്പ് ഹൗസുമൊക്കെ യുദ്ധ കാലാടിസ്ഥാനത്തില്‍ പ്രവര്‍ത്തന സജ്ജമാക്കിയതോടെ  ജല വിതരണ പദ്ധതിക്ക് എളുപ്പമായി.
ജലക്ഷാമത്തിന് പരിഹാരം കണ്ടത്തിയ വാര്‍ഡ് മെമ്പര്‍ കൊട്ടിലിയില്‍ മുഹമ്മദ് കുട്ടി, പട്ടാമ്പി ബ്ലോക്ക് പഞ്ചായത്ത് മെമ്പര്‍ സുമ സുന്ദരന്‍, ബ്ലോക്ക് പഞ്ചായത്ത് പ്രസിഡന്റ് കമ്മുക്കുട്ടി എടത്തോള്‍ എന്നിവരോട് പ്രദേശവാസികള്‍ നന്ദി പ്രകടിപ്പിച്ചു.