ജറുസലേം: ജൂതവംശജര്‍ക്ക് ഗുജറാത്തില്‍ ന്യൂനപക്ഷപദവി നല്‍കുമെന്ന് മുഖ്യമന്ത്രി വിജയ് റൂപാനി. ആറുദിവസത്തെ ഇസ്രയേല്‍ സന്ദര്‍ശനത്തിനിടെ പ്രധാനമന്ത്രി ബെഞ്ചമിന്‍ നെതന്യാഹുവുമായുള്ള കൂടിക്കാഴ്ച്ചക്കിടെയാണ് അദ്ദേഹം ഇക്കാര്യം വ്യക്തമാക്കിയത്.

മുഖ്യമന്ത്രി നാട്ടിലെത്തി വൈകാതെതന്നെ ഉത്തരവ് നടപ്പാക്കുമെന്നാണ് പ്രതീക്ഷിക്കുന്നത്.

അഹമ്മദാബാദിലെ ഏതാനും പ്രദേശങ്ങളിലായി 200 ല്‍ താഴെ ജൂതവംശജര്‍ മാത്രമാണ് ഗുജറാത്തിലുള്ളത്. 2011 ലെ സെന്‍സസില്‍ ഗുജറാത്തിലെ ജൂതന്‍മാരുടെ എണ്ണം പ്രത്യേകമായി രേഖപ്പെടുത്തിയിരുന്നില്ല. മറ്റുള്ളവരുടെ കൂട്ടത്തിലാണ് സംസ്ഥാനത്ത് ജൂതരെ ഉള്‍പ്പെടുത്തിയിരിക്കുന്നത്.