തിരുവനന്തപുരം: നെല്‍വയല്‍ -നീര്‍ത്തട നിയമ ഭേദഗതിയില്‍ ആശങ്ക അറിയിച്ച് വി.എസ് അച്യുതാനന്ദന്‍. ഭേദഗതി നിയമത്തിനെതിരെ പരിസ്ഥിതി പ്രവര്‍ത്തകരില്‍ നിന്നുള്‍പ്പെടെ ആശങ്കകളുയരുന്ന പശ്ചാത്തലത്തിലാണ്, സര്‍ക്കാര്‍ ജാഗ്രത പുലര്‍ത്തണമെന്ന അഭിപ്രായവുമായി വി.എസ് രംഗത്ത് വന്നത്

മുഖ്യമന്ത്രിയും റവന്യൂ മന്ത്രിയും നല്‍കിയ ഉറപ്പ് നമ്മുടെ മുന്നിലുണ്ട്. അത് വിശ്വാസത്തിലെടുക്കേണ്ടതുണ്ട്. എന്നാല്‍ ഉദ്യോഗസ്ഥര്‍ നിയമത്തിന്റെ അന്തസത്ത ചോര്‍ത്താന്‍ സാധ്യതയെന്ന് വി.എസ് പറഞ്ഞു. സര്‍ക്കാര്‍ ജാഗ്രത പാലിക്കണമെന്നും വി.എസ് ഓര്‍മ്മിപ്പിച്ചു.

കടുത്ത പ്രതിപക്ഷ പ്രതിഷേധങ്ങള്‍ക്കിടയിലായിരുന്നു നെല്‍വയല്‍ തണ്ണീര്‍ത്തട നിയമ ഭേദഗതി ബില്‍ പാസാക്കിയത്.