തിരുവനന്തപുരം: ലോക ജലദിനാചരണത്തിന്റെ സംസ്ഥാനതല ഉദ്ഘാടനം നാളെ രാവിലെ 10ന് കനകക്കുന്ന് കൊട്ടാരത്തില്‍ ഗവര്‍ണര്‍ പി. സദാശിവം ഉദ്ഘാടനം ചെയ്യും. ജലവിഭവ അഡീഷനല്‍ ചീഫ് സെക്രട്ടറി വിശ്വാസ് മേത്ത അധ്യക്ഷത വഹിക്കും.

ഇതോടനുബന്ധിച്ച് രാജ്യാന്തര ശില്‍പശാല നടക്കും. ജലപരിപാലനവും പരിപോഷണവുമായി ബന്ധപ്പെട്ട വിഷയത്തില്‍ വിദഗ്ധര്‍ സംസാരിക്കും. നെതര്‍ലന്‍ഡില്‍ നിന്നുള്ള അഞ്ച് വിദഗ്ധര്‍ വെള്ളപ്പൊക്കവും വരള്‍ച്ചയും നിയന്ത്രിക്കുന്നതിനുള്ള ജലസംരക്ഷണ മാര്‍ഗങ്ങള്‍ പങ്കുവയ്ക്കും.