തിരുവനന്തപുരം: സംസ്ഥാന സര്‍ക്കാര്‍ പി.ആര്‍. വര്‍ക്കിനായി ചെലവഴിച്ചത് ആറുകോടി രൂപയെന്ന ആരോപണവുമായി മഹിളാ കോണ്‍ഗ്രസ് നേതാവും അഭിഭാഷകയുമായ വീണ എസ് നായര്‍. മുഖ്യമന്ത്രി പിണറായി വിജയനെയും സര്‍ക്കാരിനെയും വിമര്‍ശിച്ചതിന്റെ പേരില്‍ പൊലിസ് ഇവര്‍ക്കെതിരേ കേസെടുത്തിരുന്നു.

മഹിളാ കോണ്‍ഗ്രസ് സെക്രട്ടറിയും അഭിഭാഷകയുമായ വീണ എസ്. നായരാണ് ഇതിനെതിരേ വീണ്ടും ഫേസ്ബുക്ക് ലൈവില്‍ പ്രതികരണവുമായെത്തിയിരിക്കുന്നത്. സര്‍ക്കാരിന്റെ തെറ്റായ നയങ്ങളെ വിമര്‍ശിച്ചതിന് കേസ് എടുത്താല്‍ തിരിഞ്ഞോടുമെന്ന് കരുതിയാല്‍ അതു കരുതുന്നവരുടെ തെറ്റാണ്. വീണ ഫെയ്സ്ബുക്ക് ലൈവില്‍ പറഞ്ഞു.
ശരിയല്ലാത്ത നിലപാടിനെതിരേ ഇനിയും വിമര്‍ശിക്കും. കേസ് എടുത്തുതിന്റെ പേരില്‍ തിരിഞ്ഞോടില്ല. സര്‍ക്കാരിന്റെ ധൂര്‍ത്തിനെതിരെ പറഞ്ഞതിനാണ് കേസെടുത്തെതെന്നും വീണ ആരോപിക്കുന്നു.

ആറുകോടി രൂപയാണ് പി.ആര്‍ വര്‍ക്കിനായി സര്‍ക്കാര്‍ ചെലവഴിച്ചത്. ഈ കാര്യങ്ങളെ കുറിച്ച് ഫെയ്സ്ബുക്കില്‍ വിമര്‍ശിച്ചിരുന്നു. ഇത്തരം പോസ്റ്റുകളാണ് കേസെടുക്കാന്‍ കാരണം. അഭിപ്രായ സ്വാതന്ത്ര്യത്തിനുള്ള അവകാശം ഭരണഘടന അനുശാസിക്കുന്നതാണെന്നും ഇത് ജനാധിപത്യ രാജ്യമാണെന്ന് പിണറായി വിജയന്‍ ഓര്‍ക്കണമെന്നും വീണ പറയുന്നുണ്ട്.