ആഗ്ര: ആഗ്രയില്‍ വെള്ളിയാഴ്ച രാത്രിയുണ്ടായ ഇടിമിന്നലില്‍ ആറു വയസുകാരി ഉള്‍പ്പെടെ മൂന്നു പേര്‍ മരിച്ചു. 25 പേര്‍ക്ക് പരുക്കേറ്റു. ശക്തമായ കാറ്റിലും മഴയിലും താജ്മഹലിന്റെ പിന്‍ഗേറ്റില്‍ പതിപ്പിച്ച് മാര്‍ബിള്‍ ഫലകങ്ങളും വീണു.മണിക്കൂറില്‍ 123 കിലോമീറ്റര്‍ വേഗതയില്‍ വീശിയടിച്ച കാറ്റില്‍ വീടുകള്‍ക്കുള്‍പ്പെടെ നാശനഷ്ടമുണ്ടായി. ഇടിമിന്നലേറ്റ് മരിച്ചവരുടെ കുടുംബത്തിന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് നാലുലക്ഷം രൂപ നഷ്ട പരിഹാരം പ്രഖ്യാപിച്ചിട്ടുണ്ട്.