ബംഗളൂരു: ബി.ജെ.പി നേതാവിന്റെ പ്രസ്താവനക്ക് ചുട്ടമറുപടിയുമായി കോണ്‍ഗ്രസ് രംഗത്ത്.കടുവ കൂടുതല്‍ വന്യത കാണിച്ചു തുടങ്ങിയെന്നും കാട്ടിലേക്കയക്കാന്‍ സമയമായെന്നും കോണ്‍ഗ്രസ് നേതാവ് വീരപ്പ മൊയ്‌ലി പറഞ്ഞു.

വിവാദ പ്രസ്താവനകള്‍ക്ക് പേരുകേട്ട ബി.ജെ.പി നേതാവും മന്ത്രിയുമായ അനന്ത്കുമാര്‍ ഹെഗ്‌ഡെക്ക് മറുപടിയായാണ് അദ്ദേഹം ഇങ്ങിനെ പറഞ്ഞത്.
കാക്കകളും കുരങ്ങന്മാരും കുറുക്കന്മാരുമാണ് പ്രതിപക്ഷമെന്നായിരുന്നു മന്ത്രിയുടെ പരാമര്‍ശം. മറുവശത്തുള്ളത് കടുവയാണെന്നും അദ്ദേഹം പറഞ്ഞു. പ്രതിപക്ഷ കൂട്ടായ്മയെ കളിയാക്കി നേരത്തെയും ബി.ജെ.പി നേതാക്കള്‍ വിവാദ പ്രസ്താവനകളിറക്കിയിരുന്നു.