വടക്കാങ്ങര: കഴിഞ്ഞ 20 വര്‍ഷമായി വടക്കാങ്ങര മുക്കിലക്കുളമ്പ് ഭാഗത്ത് ഉപയോഗ ശൂന്യമായ കുളം ശ്രമദാനത്തിലൂടെ ശുചീകരിച്ചു. ആറുദിവസത്തെ ശ്രമകരമായ സേവനത്തിലൂടെയാണ് ഏകദേശം 400 ചതുരശ്ര അടി വിസ്തീര്‍ണമുള്ള കുളം 5 അടി താഴ്ചയിലേക്ക് മണ്ണെടുത്തു ഉപയോഗയോഗ്യമാക്കിയത്.
വടക്കാങ്ങര പഴയ ജുമാമസ്ജിദിന്റെ ഉടമസ്ഥതയിലുള്ളതാണ് കുളം.
മക്കരപ്പറമ്പ ഗ്രാമ പഞ്ചായത്ത് അംഗം ഹന്‍ഷില പട്ടാക്കല്‍ എ.ടി മുഹമ്മദ്, സി.ടി അബു, അറക്കല്‍ അലവിക്കുട്ടി, വി.പി ബഷീര്‍, സി.പി മുഹമ്മദലി, പട്ടാക്കല്‍ ഖാദര്‍, വി ഉസ്മാന്‍ തുടങ്ങിയവര്‍ നേതൃത്വം നല്‍കി.