മമ്പാട്: പഞ്ചായത്തിന്റെ പരിസര പ്രദേശങ്ങളിലും നിലമ്പൂര്‍ മുനിസിപ്പാലിറ്റിയുടെ ഏരിയയിലും കോഴി മാലിന്യം സ്ഥിരമായി തട്ടി കടന്നുകളഞ്ഞിരുന്ന യുവാവിനെ മമ്പാട്ട് നാട്ടുകാര്‍ പിടികൂടി പൊലിസിലേല്‍പ്പിച്ചു.
വെള്ളിയാഴ്ച പുലര്‍ച്ചെ 2.30 ഓടെയാണ് ടിപ്പര്‍ ലോറിയിലെത്തിച്ച കോഴി മാലിന്യം മമ്പാട് പള്ളിക്കുന്നിലെ വിജനമയ സ്ഥലത്ത് തള്ളിയത്. എന്നാല്‍ ദിവസങ്ങള്‍ പഴക്കമുള്ള കോഴി അവശിഷ്ടങ്ങളുടെ ദുര്‍ഗന്ധം അസഹ്യമായതോടെ പരിസരവാസികള്‍ നടത്തിയ അന്വേഷണത്തിലാണ് മാലിന്യം തള്ളിയ ആളെ കുറിച്ച് സൂചന ലഭിച്ചത്. തുടര്‍ന്ന് യുവാവ് തന്നെ മാലിന്യം കുഴിയെടുത്ത് മൂടുന്നതിന് മണ്ണുമാന്തിയെ ഏര്‍പാടാക്കുകയായിരുന്നു. മണ്ണ് മാന്തിയുടെ ഡ്രൈവര്‍ നല്‍കിയ വിവരത്തെ തുടര്‍ന്ന് പ്രദേശവാസിയായ യുവാവിനെ നാട്ടുകാര്‍ പിടികൂടി പൊലിസിലേല്‍പ്പിച്ചു.നിലമ്പൂര്‍ പൊലിസ് കേസെടുത്ത് അന്വേഷണമാ രംഭിച്ചു.