തിരുവനന്തപുരം: സംസ്ഥാനത്തെ കര്‍ഷകരുടെ വായ്പകളിന്മേല്‍ പ്രഖ്യാപിച്ച മൊറട്ടോറിയവുമായി ബന്ധപ്പെട്ട് ഉത്തരവിറക്കാതെ അലംഭാവം കാട്ടിയ ഇടതുസര്‍ക്കാരും മുഖ്യമന്ത്രിയും ഇപ്പോള്‍ ഉദ്യോഗസ്ഥരെ പഴിചാരി രക്ഷപ്പെടാന്‍ ശ്രമിക്കുകയാണെന്ന് ഉമ്മന്‍ചാണ്ടി. തെരഞ്ഞെടുപ്പ് തിയതി വരെ മൊറട്ടോറിയം പ്രഖ്യാപിക്കാതെ നീട്ടിക്കൊണ്ടു പോവുകയായിരുന്നു സര്‍ക്കാര്‍. 2018ല്‍ കര്‍ഷകര്‍ ആത്മഹത്യ ചെയ്ത വേളയില്‍ തന്നെ സര്‍ക്കാര്‍ ഫലപ്രദമായ നടപടി സ്വീകരിച്ചിരുന്നെങ്കില്‍ മൊറട്ടോറിയം ഉത്തരവ് തെരഞ്ഞെടുപ്പ് പെരുമാറ്റച്ചട്ടത്തില്‍ കുരുങ്ങുമായിരുന്നില്ലെന്നും ഇക്കാര്യത്തില്‍ സര്‍ക്കാര്‍ ഗുരുതരമായ വീഴ്ച വരുത്തിയെന്നും അദ്ദേഹം പറഞ്ഞു.