ആലക്കോട്: ചപ്പാരപ്പടവ് തുയിപ്രയില്‍ അനധികൃത കുന്നിടിക്കല്‍ ഡി.വൈ.എഫ്.ഐയുടെ നേതൃത്വത്തില്‍ നാട്ടുകാര്‍ തടഞ്ഞു.
കഴിഞ്ഞ ദിവസം വില്ലേജ് അധികൃതര്‍ സ്റ്റോപ്പ് മെമ്മോ നല്‍കിയ പ്രദേശത്താണ് മണ്ണു മാന്തി യന്ത്രം ഉപയോഗിച്ച് വീണ്ടും കുന്നിടിക്കല്‍ നടത്തിയത്. പ്രദേശത്ത് കുന്നിടിക്കുന്നത് സുപ്രഭാതം  േ റിപ്പോര്‍ട്ട് ചെയ്തിരുന്നു.
വാര്‍ത്തയുടെ  അടിസ്ഥാനത്തില്‍ കൂവേരി വില്ലേജ് ഓഫീസര്‍ സ്ഥലത്തെത്തി കുന്നിടിക്കല്‍ നിര്‍ത്തിവെക്കാന്‍ സ്ഥലമുടമയോട് രേഖാമൂലം ആവശ്യപ്പെടുകയും ചെയ്തു. എന്നാല്‍ കുറച്ചു ദിവസത്തേക്ക് മണ്ണ് നീക്കം ചെയ്യല്‍ നിര്‍ത്തിയെങ്കിലും തുടര്‍ച്ചയായുള്ള അവധി ദിനങ്ങള്‍ മുതലെടുത്ത് പ്രവൃത്തി വീണ്ടും പുനരാരംഭിക്കുകയായിരുന്നു. രണ്ടോളം മണ്ണ്മാന്തി യന്ത്രങ്ങള്‍ ഉപയോഗിച്ച് മണ്ണ് നീക്കം ചെയ്യാന്‍ തുടങ്ങിയതോടെയാണ് ഡി.വൈ.എഫ് ഐ പ്രവര്‍ത്തകരുടെ നേതൃത്വത്തില്‍ നാട്ടുകാര്‍ രംഗത്തെത്തിയത്.
പ്രതിഷേധം ശക്തമായതോടെ കുന്നിടിക്കല്‍ നിര്‍ത്തിവെക്കാന്‍ സ്ഥലമുടമ തയ്യാറായി