ഭോപ്പാല്‍: കൊവിഡ് പ്രതിസന്ധിക്കിടെ തങ്ങളുടെ എം.പിയെ കാണാനില്ലെന്നു ചൂണ്ടിക്കാട്ടി മധ്യപ്രദേശിലെ ഭോപ്പാലില്‍ പരക്കെ പോസ്റ്റര്‍. ബി.ജെ.പി നേതാവും വിവാദ നായികയുമായി പ്രഗ്യാസിങ് താക്കൂറിനെ മണ്ഡലത്തില്‍ കാണുന്നില്ലെന്നായിരുന്നു വ്യാപകമായി പോസ്റ്റര്‍ പ്രചാരണം. ഇതേതുടര്‍ന്ന് വിഷയത്തില്‍ പ്രതികരണവുമായി ബി.ജെ.പി രംഗത്തെത്തി.
പ്രഗ്യ കാന്‍സറിനും കണ്ണുമായി ബന്ധപ്പെട്ട രോഗത്തിനും ഡല്‍ഹി എയിംസില്‍ ചികിത്സയിലാണെന്നാണ് ബി.ജെ.പി വക്താവ് രാഹുല്‍ കൊതാരി വ്യക്തമാക്കിയത്. ഇവരുടെ നേതൃത്വത്തില്‍തന്നെ മണ്ഡലത്തില്‍ പ്രവര്‍ത്തനങ്ങള്‍ നടക്കുന്നുണ്ടെന്നും കോണ്‍ഗ്രസ് നേതാവ് ദിഗ്‌വിജയ് സിങ്ങിന്റെ പ്രവര്‍ത്തനങ്ങള്‍ രാഷ്ട്രീയ ലാഭത്തിനു വേണ്ടി മാത്രമാണെന്നും ബി.ജെ.പി ആരോപിച്ചു.