ശ്രീനഗര്‍: രണ്ട് ദിവസമായി തുടരുന്ന കനത്ത മഴയെത്തുടര്‍ന്ന് ജമ്മു കശ്മിര്‍ വെള്ളപ്പൊക്ക ഭീഷണിയില്‍. ഝലം നദി കരകവിഞ്ഞ് ഒഴുകുകയാണ്. പഹല്‍ഗാമില്‍ നിരവധി തവണ ഉരുള്‍പൊട്ടലുണ്ടായതിനെ തുടര്‍ന്ന് അമര്‍നാഥ് യാത്ര നിര്‍ത്തിവെച്ചിരിക്കുകയാണ്. വെള്ളപ്പൊക്കത്തില്‍ തീര്‍ഥാടനപാതകര്‍ന്നിരിക്കുകയാണ്.

കഴിഞ്ഞ ദിവസം ബല്‍ത്താല്‍ വഴിയുള്ള അമര്‍നാഥ് യാത്രയും കനത്ത മഴയെത്തുടര്‍ന്ന് നിര്‍ത്തിവെച്ചിരുന്നു. അതേസമയം തീര്‍ഥാടകരെല്ലാം സുരക്ഷിതരാണെന്ന് അധികൃതര്‍ വ്യക്തമാക്കി.

കശ്മിരിലെ മിക്ക സ്‌കൂളുകള്‍ക്കും അവധി പ്രഖ്യാപിച്ചിരിക്കുകയാണ്.