പെരുമ്പള: ഗ്രന്ഥശാലാ പ്രവര്‍ത്തകര്‍ വിഷുദിനത്തില്‍ കോടി വസ്ത്രങ്ങളുമായി പരവനടുക്കം ഗവ. വൃദ്ധമന്ദിരത്തിലെത്തി. അഭ്യുദയ കാംഷികളികളില്‍  നിന്നു  സംഭാവനകള്‍  സ്വീകരിച്ച്  പുരുഷന്മാര്‍ക്കും  സ്ത്രീകള്‍ക്കും പ്രത്യേകം വിഷുക്കോടിയുമായെത്തിയ ഗ്രന്ഥശാല പ്രവര്‍ത്തകര്‍ അന്തേവാസികള്‍ക്കു സാന്ത്വനം പകര്‍ന്നു. പെരുമ്പള എ.കെ.ജി സ്മാരക വായനശാല ആന്‍ഡ് ഗ്രന്ഥാലയം നേതൃത്വം  നല്‍കിയ  ഈ  കൂട്ടായ്മ  ചെമ്മനാട് ഗ്രാമപഞ്ചായത്ത്  അംഗവും  വായനശാല   പ്രസിഡന്റുമായ   എന്‍.വി ബാലന്‍  ഉദ്ഘാടനം  ചെയ്തു.
എസ്.വി നടരാജന്‍ അധ്യക്ഷനായി. ലൈബ്രറി കൗണ്‍സില്‍  ജില്ലാ എക്‌സിക്യൂട്ടിവ് അംഗം വിനോദ്കുമാര്‍ പെരുമ്പള, സെക്രട്ടറി എസ്.വി അശോക് കുമാര്‍, എ രാഘവന്‍,  അഹമ്മദ് ഷിബിലി, വൃദ്ധമന്ദിരം മേട്രണ്‍ ആസിയ സംസാരിച്ചു.