മീനങ്ങാടി: ചില്ലറ വില്‍പ്പനക്കായി എത്തിച്ച ഒന്നരക്കിലോയോളം കഞ്ചാവുമായി മധ്യവയസ്‌കന്‍ പൊലിസിന്റെ പിടിയില്‍.
മീനങ്ങാടി അപ്പാട് മൈലംപാടി പാറക്കല്‍ മനോജ് (48)ആണ് പിടിയിലായത്. രഹസ്യവിവരത്തെ തുടര്‍ന്ന് മീനങ്ങാടി എസ്.ഐ ജയപ്രകാശിന്റെ നേതൃത്വത്തില്‍ മീനങ്ങാടി മധുകൊല്ലി ജങ്ഷനില്‍ ഹൈവേ പൊലിസിന്റെ സഹായത്തോടെ നടത്തിയ വാഹന പരിശോധനയിലാണ് ഇയാള്‍ പിടിയിലായത്.
1.350 കി.ഗ്രാം കഞ്ചാവാണ് കവറില്‍ സൂക്ഷിച്ച നിലയില്‍ ഇയാളില്‍ നിന്ന് കണ്ടെടുത്തത്. മനോജ് സഞ്ചരിച്ച ബൈക്കും പൊലിസ് കസ്റ്റഡിയിലെടുത്തിട്ടുണ്ട്. പുല്‍പ്പള്ളി പെരിക്കല്ലൂരില്‍ നിന്നാണ് കഞ്ചാവ് എത്തിച്ചതെന്ന് പൊലിസ് പറഞ്ഞു. നേരത്തെ നിരവധി തവണ കഞ്ചാവുമായി പൊലിസിന്റെ പിടിയിലായ ആളാണ് മനോജ്. വിദ്യാര്‍ഥികളെ ലക്ഷ്യം വെച്ചാണ് ഇയാള്‍ പ്രധാനമായും കഞ്ചാവ് വില്‍പ്പന നടത്തുന്നത്. എ.എസ്.ഐമാരായ രവീന്ദ്രന്‍, സന്തോഷ്, അബ്ദുല്‍ സലാം, സി.പി.ഒ സെല്‍വന്‍, ജോസഫ് കല്ലൂര്‍, ജോസഫ് കല്‍പ്പറ്റ, നാര്‍ക്കോട്ടിക്ക് സ്‌പെഷ്യല്‍ ടീമംഗങ്ങള്‍ എന്നിവരുള്‍പെട്ട സംഘമാണ് പ്രതിയെ പിടികൂടിയത്.