കാസര്‍കോട്: ഇസ്‌ലാം പുസ്തകങ്ങളില്‍ നിന്നു പഠിക്കേണ്ട മതമല്ലെന്നും മഹാന്മാരുടെ ജീവിതത്തില്‍ നിന്നു പകര്‍ത്തേണ്ട മതമാണെന്നും ഓണംപള്ളി മുഹമ്മദ് ഫൈസി പറഞ്ഞു. 'സംഘടനയുടെ പുതുഭാവികള്‍' എന്ന സെഷനില്‍ വിഷയമവതരിപ്പിച്ചു സംസാരിക്കുകയായിരുന്നു അദ്ദേഹം. മഹാന്മാരുടെ ജീവിതം പകര്‍ത്തി ജീവിക്കുന്നവര്‍ ഒരിക്കലും തീവ്രവാദത്തിലേക്ക് എത്തുന്നില്ല.
പുസ്തകങ്ങളില്‍ നിന്നു മതത്തെ പഠിക്കാന്‍ ശ്രമിക്കുന്നവരാണ് അബദ്ധത്തില്‍ ഇത്തരം സംഘങ്ങളിലെത്തുന്നത്.  
ലോകത്ത് വിഭാഗീയത സൃഷ്ടിക്കുന്നത് നേതൃത്വത്തെ അംഗീകരിക്കാത്തവരാണെന്നും അദ്ദേഹം കൂട്ടിച്ചേര്‍ത്തു.