പാറക്കടവ്: വിഷുദിനത്തില്‍ ചെക്യാട് മാമുണ്ടേരിയില്‍ വീടിനു നേരെ ബോംബേറ്.
രാത്രി എട്ടോടെ മുസ്‌ലിം ലീഗ് പ്രവര്‍ത്തകനായ പണിക്കര്‍ കണ്ടിയില്‍ അഷ്‌റഫിന്റെ വീടിനു നേരെയാണ് ബോംബേറ് നടന്നത്. ബോംബ് വീട്ടുമുറ്റത്ത് ഉഗ്രസ്‌ഫോടനത്തില്‍ പൊട്ടിത്തെറിച്ചു. ലൈറ്റ്, ഫര്‍ണിച്ചര്‍ എന്നിവ സ്‌ഫോടനത്തില്‍ തകര്‍ന്നു.
നാദാപുരം സി.ഐ, വളയം എസ്.ഐ, മണ്ഡലം മുസ്‌ലിം ലീഗ് സെക്രട്ടറി അഹമ്മദ് കുറുവയില്‍, നസീര്‍ വളയം, വി.വി.കെ  ജാതിയേരി എന്നിവര്‍  സംഭവസ്ഥലം സന്ദര്‍ശിച്ചു.
വളയം എസ്.ഐ സ്റ്റേഷനില്‍ സര്‍വകക്ഷി യോഗം വിളിച്ചു ചേര്‍ത്തു. രാത്രി ഒന്‍പതിനു ശേഷം റോഡരികില്‍ നില്‍ക്കുന്നവര്‍ക്കെതിരേ കര്‍ശന നടപടി സ്വീകരിക്കുമെന്ന് പൊലിസ് പറഞ്ഞു.


.