കോഴിക്കോട്: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ 'നേരറിവ് നല്ല നാളേക്ക് ' പ്രമേയത്തില്‍ മിഹ്‌റജാനുല്‍ ബിദായ മദ്‌റസാ വര്‍ഷാരംഭം പരിപാടിയുടെ ജില്ലാതല ഉദ്ഘാടനം 16ന് രാത്രി ഏഴിന് കളന്‍തോട് നജാത്തുല്‍ ഇസ്‌ലാം മദ്‌റസയില്‍ നടക്കും.
സമസ്ത കേന്ദ്ര മുശാവറ അംഗവും സുന്നി മഹല്ല് ഫെഡറേഷന്‍ സംസ്ഥാന സെക്രട്ടറിയുമായ ഉമര്‍ ഫൈസി മുക്കം ഉദ്ഘാടനം ചെയ്യും. സമസ്ത മാനേജര്‍ മോയിന്‍കുട്ടി മാസ്റ്റര്‍ പ്രമേയ പ്രഭാഷണം നടത്തും. ജില്ലാ പ്രസിഡന്റ് കെ.കെ ഇബ്‌റാഹിം മുസ്‌ലിയാര്‍ അധ്യക്ഷനാകും. എസ്.വൈ.എസ്, എസ്.കെ.എസ്.എസ്.എഫ്, എസ്.ബി.വി ജില്ലാ ഭാരവാഹികള്‍ സംബന്ധിക്കും.