തലശ്ശേരി: കതിരൂര്‍ ബാങ്ക് വി.വി.കെ സാഹിത്യ പുരസ്‌കാരം കഥാകൃത്ത് ടി.പത്മനാഭന്. 25,000രൂപയും പൊന്ന്യം ചന്ദ്രന്‍ രൂപകല്‍പന ചെയ്ത ശില്‍പവും വിപില്‍ ടി.പലോത്തിന്റെ പെയിന്റിങുമാണ് പുരസ്‌കാരം.
വൈശാഖന്‍,ഡോ.കെ.പി മോഹനന്‍, ഇ.പി രാജഗോപാലന്‍ എന്നിവരടങ്ങിയ സമിതിയാണ് പുരസ്‌കാര ജേതാവിനെ തെരഞ്ഞെടുത്തത്. അടുത്ത മാസം അവാര്‍ഡ് സമ്മാനിക്കും. വാര്‍ത്താസമ്മേളനത്തില്‍ കണ്‍വീനര്‍ പൊന്ന്യം ചന്ദ്രന്‍, അഡ്വ.കെ.കെ രമേഷ്,പി.ശ്രീധരന്‍,കാരായി ബലാന്‍ പങ്കെടുത്തു.