ന്യൂഡെല്‍ഹി: മുന്‍ ഇന്ത്യന്‍ ക്രിക്കറ്റ് താരം ഗൗതം ഗംഭീര്‍ ബി.ജെ.പിയില്‍ ചേര്‍ന്നു. കേന്ദ്രമന്ത്രിമാരായ അരുണ്‍ ജെയ്റ്റ്‌ലി , രവിശങ്കര്‍ പ്രസാദ് എന്നിവരുടെ സാന്നിധ്യത്തിലായിരുന്നു അംഗത്വ സ്വീകരണം. ശേഷം പാര്‍ട്ടി അധ്യക്ഷന്‍ അമിത്ഷായെയും അദ്ദേഹം കണ്ടു.

പ്രധാനമന്ത്രി നരേന്ദ്ര മോദിയുടെ പ്രവര്‍ത്തനങ്ങളില്‍ ആകൃഷ്ടനായാണ് താന്‍ പാര്‍ട്ടിയില്‍ ചേര്‍ന്നതെന്ന് അദ്ദേഹം വ്യക്തമാക്കി.

ബി.ജെ.പി തങ്ങളുടെ ആദ്യഘട്ട സ്ഥാനാര്‍ഥി പ്രഖ്യാപനം നടത്തിയതിന്റെ പിറ്റേന്നാണ് അദ്ദേഹത്തിന്റെ പാര്‍ട്ടി പ്രവേശനം. ന്യൂഡല്‍ഹി മണ്ഡലത്തിലെ സിറ്റിങ് എം.പി മീനാക്ഷി ലേഖിയെ മറ്റൊരു മണ്ഡലത്തില്‍ മത്സരിപ്പിച്ച് ഗംഭീറിനെ ന്യൂഡല്‍ഹി മണ്ഡലത്തില്‍ മത്സരിപ്പിച്ചേക്കുമെന്നാണ് വിവരം.

2007 ല്‍ ട്വന്റി20 ലോകകപ്പും 2011 ല്‍ ഏകദിന ലോകകപ്പും നേടിയ ടീമുകളില്‍ല്‍ തിളക്കമാര്‍ന്ന പ്രകടനം കാഴ്ചവെച്ച ഗംഭീറിന് പത്മശ്രീ പുരസ്‌കാരം നല്‍കി ആദരിച്ചിരുന്നു. 2018ലാണ് അദ്ദേഹം രാജ്യാന്തര ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ചത്.