നെടുമ്പാശ്ശേരി: കളിപ്പാട്ടമടക്കം വിവിധ ഉപകരണങ്ങളില്‍ സ്വര്‍ണം ഒളിപ്പിച്ചു കടത്താന്‍ ശ്രമിച്ച യുവതി പിടിയില്‍. ഷാര്‍ജയില്‍ നിന്ന് എയര്‍ അറേബ്യ വിമാനത്തില്‍ എത്തിയ ന്യൂ മാഹി സ്വദേശിനി ഷെബീന(32)ആണ് പിടിയിലായത്. 26 ലക്ഷം രൂപ വില വരുന്ന 931.15 ഗ്രാം സ്വര്‍ണമാണ് ഇവരില്‍ നിന്ന് പിടിച്ചെടുത്തത്.
ഇംഗ്ലിഷ്അക്ഷരങ്ങളായ ഇ,ഐ എന്നിവയുടെ മാതൃകയില്‍ തയാറാക്കിയ 49 പ്ലേറ്റുകള്‍ ബാഗേജില്‍ ഒളിപ്പിച്ചിരിക്കുകയായിരുന്നു. ഷാര്‍ജയില്‍ ഭര്‍ത്താവിനൊപ്പം സൂപ്പര്‍മാര്‍ക്കറ്റ് ജീവനക്കാരിയായ ഷെബീന നാട്ടിലേക്ക് വരുന്നതിനിടെയാണ് പിടിയിലായത്.