എടപ്പാള്‍: ബസില്‍ യാത്ര ചെയ്യുകയായിരുന്ന സ്ത്രീയുടെ പഴ്‌സ് മോഷണം പോയതിനെ തുടര്‍ന്ന് ബസില്‍ യാത്ര ചെയ്തിരുന്ന നാടോടി സ്ത്രീകളെ പൊലിസ് പിടികൂടി.ഇന്നലെ എടപ്പാളിലാണ് സംഭവം. വളാഞ്ചേരിയില്‍ നിന്നും എടപ്പാളിലേക്ക് വരികയായിരുന്ന സ്ത്രീയുടെ പഴ്‌സ് ബസില്‍ മോഷണം പോയതിനെ തുടര്‍ന്ന് ചങ്ങരം കുളം പോലീസില്‍ വിവരമറിയിച്ചു. ബസ്സില്‍ യാത്ര ചെയ്തിരുന്ന രണ്ട് നാടോടി സ്ത്രീകളെ കുറിച്ച് സംശയമുയര്‍ന്നതിനെ തുടര്‍ന്ന് ചങ്ങരംകുളം പോലീസ് എടപ്പാളില്‍ വച്ച് ഇവരെ പരിശോധിച്ചു. നഷ്ടപെട്ട പഴ്‌സ് തിരിച്ച് ലഭിച്ചില്ലെങ്കിലും സ്വര്‍ണസമാനമായ ആഭരണം ഇവരില്‍ നിന്ന് ലഭിച്ചതിനെ തുടര്‍ന്ന് ഇവരെ സ്റ്റേഷനിലേക്ക് മാറ്റി. എന്നാല്‍ പരിശോധനയില്‍ ഇത് സ്വര്‍ണമല്ലെന്ന് തെളിഞ്ഞു. സംഭവം നടന്നത് വളാഞ്ചേരി സ്റ്റേഷന്‍ പരിധിയിലായതിനാല്‍ ഇരുവരെയും പിന്നീട് വളാഞ്ചേരി പൊലിസിന് കൈമാറി