തൃശൂര്‍: സി.പി.എം തൃശൂര്‍ ജില്ലാ സെക്രട്ടറിയായി എം.എം.വര്‍ഗ്ഗീസിനെ തെരഞ്ഞെടുത്തു. സംസ്ഥാനകമ്മിറ്റി അംഗം സ:എന്‍.ആര്‍.ബാലന്റെ അദ്ധ്യക്ഷതയില്‍ ചേര്‍ന്ന ജില്ലാകമ്മിറ്റി യോഗത്തില്‍ സംസ്ഥാന സെക്രട്ടറി കോടിയേരി ബാലകൃഷ്ണന്‍, കേന്ദ്രകമ്മിറ്റി അംഗം കെ .രാധാകൃഷ്ണന്‍, സംസ്ഥാന സെക്രട്ടേറിയറ്റ് മെമ്പര്‍ ബേബിജോണ്‍ എന്നിവരുടെ സാന്നിധ്യത്തിലായിരുന്നു തെരഞ്ഞെടുപ്പ്. 

ജില്ലാ സെക്രട്ടറിയായിരുന്ന കെ.രാധാകൃഷ്ണന്‍ കേന്ദ്രകമ്മിറ്റി അംഗമായി തിരഞ്ഞെടുക്കപ്പെടുകയും പ്രവര്‍ത്തനകേന്ദ്രം തിരുവനന്തപുരത്തേക്ക് മാറ്റുകയും ചെയ്തതിനെ തുടര്‍ന്നാണ് പുതിയ സെക്രട്ടറിയെ തെരഞ്ഞെടുക്കേണ്ടി വന്നത്.

നിലവില്‍ പാര്‍ട്ടി ജില്ലാ സെക്രട്ടേറിയറ്റംഗവും സംസ്ഥാന കണ്‍ട്രോള്‍ കമ്മീഷന്‍ അംഗവും സി.ഐ.ടി.യു സംസ്ഥാന സെക്രട്ടറിയുമാണ് എം.എം.വര്‍ഗ്ഗീസ്.