കൊല്ലം: നാട്ടിലേക്ക് പോകണമെന്ന് ആവശ്യപ്പെട്ട് കൊല്ലത്ത് അതിഥി തൊഴിലാളികളുടെ പ്രതിഷേധം. നീണ്ടകര ചെട്ടിക്കുളങ്ങര കേന്ദ്രീകരിച്ച് ബോട്ടുകളില്‍ ജോലി ചെയ്യുന്ന തൊഴിലാളികളാണ് പ്രതിഷേധവുമായി എത്തിയത്. കൊല്ലം തോപ്പില്‍ക്കടവിലും അടൂര്‍ പന്തളത്തും അതിഥിതൊഴിലാളികള്‍ സംഘടിച്ചെത്തി.

ഭക്ഷണം ഇല്ലെന്നും നാട്ടില്‍ പോകാന്‍ ട്രെയിന്‍ സൗകര്യം ഒരുക്കണമെന്നും ആവശ്യപ്പെട്ടാണ് ഇവര്‍ പ്രതിഷേധവുമായി രംഗത്തെത്തിയത്.

സ്ഥലത്തെത്തിയ പൊലിസ് ഇവരോട് മടങ്ങിപ്പോകാന്‍ ആവശ്യപ്പെട്ടെങ്കിലും തയ്യാറാകാത്തതിനെത്തുടര്‍ന്ന് ഇവര്‍ക്ക് നേരെ ലാത്തിവീശി.