തിരുവനന്തപുരം:കേരളത്തില്‍ കാലവര്‍ഷമെത്തിയതായി കേന്ദ്ര കാലാവസ്ഥാ വകുപ്പ്. നേരത്തെ ജൂണ്‍ 5 ന് കാലവര്‍ഷമെത്തുമെന്നായിരുന്നു പ്രവചനം. അടുത്ത മൂന്ന് ദിവസവും സംസ്ഥാനത്ത് തുടര്‍ച്ചയായ മഴയുണ്ടാവും.

അതേസമയം, കേരളത്തിനും ലക്ഷദ്വീപിനുമിടയില്‍ അറബിക്കടലില്‍ രൂപം കൊണ്ട ന്യൂനമര്‍ദം തീവ്രമാകുന്നു. ചുഴലിക്കാറ്റായി മാറുന്ന ന്യൂനമര്‍ദം മറ്റന്നാള്‍ വൈകീട്ടോടെ വടക്കന്‍ മഹാരാഷ്ട്രയ്ക്കും തെക്കന്‍ ഗുജരാത്തിനും ഇടയ്ക്ക് കരയിലെത്തുമെന്നാണ് സൂചന. ഗോവന്‍ തീരത്ത് 370 കിലോമീറ്റര്‍ ദൂരെയാണ് ന്യൂനമര്‍ദം രൂപപ്പെട്ടത്.

കടല്‍ പ്രക്ഷുബ്ധമായതിനാല്‍ മത്സ്യത്തൊഴിലാളികള്‍ കടലില്‍ പോകരുതെന്ന് നിര്‍ദ്ദേശം നല്‍കിയിട്ടുണ്ട്.