മലപ്പുറം: റേഷന്‍ ഡീലേഴ്‌സ് അസോസിയേഷന്‍ മലപ്പുറം ജില്ലാ കൗണ്‍സില്‍ ഭാരവാഹികളായി കാടാമ്പുഴ മൂസഹാജി (പ്രസിഡന്റ്) പി. മോഹന്‍ ദാസ് തിരൂരങ്ങാടി, കെ. ജയപ്രകാശ് തിരൂര്‍, ടി.ആര്‍. ചന്ദ്രശേഖരന്‍ പൊന്നാനി, കെ.ടി. കുഞ്ഞി മുഹമ്മദ് വളാഞ്ചേരി, എന്‍. നാരായണന്‍ നിലമ്പൂര്‍ (വൈ.പ്രസിഡന്റുമാര്‍) കബീര്‍ അംബാരത്ത് (ജന.സെക്രട്ടറി) പി.പി. അബ്ദുന്നാസര്‍ വേങ്ങര, കെ. യൂനുസ് പെരിന്തല്‍മണ്ണ, പി.പി അലി അക്ബര്‍ തിരൂര്‍, കെ. നൗഷാദ് പൊന്നാനി, കെ. വിനോയ് പെരിന്തല്‍മണ്ണ (ജോ.സെക്രട്ടറിമാര്‍) കെ. ഉമര്‍ വേങ്ങര (ട്രഷറര്‍) എന്നിവരെ തിരഞ്ഞെടുത്തു.
പി. കുഞ്ഞി മുഹമ്മദ് ഹാജി അധ്യക്ഷനായി. കാടാമ്പുഴ മൂസഹാജി ഉദ്ഘാടനം ചെയ്തു. റേഷന്‍ വ്യാപാരികള്‍ക്കു റേഷന്‍ വിതരണം നടത്തിയ വകയില്‍ നല്‍കാനുള്ള കുടിശിക ഉടന്‍ നല്‍കുക, വ്യാപരികളുടെ കമ്മീഷന്‍ വ്യവസ്ഥ ഒഴിവാക്കി വേതന വ്യവസ്ഥ നടപ്പില്‍ വരുത്തുക, നിലവിലുള്ള റേഷന്‍ കാര്‍ഡിന്റെ കാലാവധിയും തുടര്‍ന്നു തന്ന സ്ലിപ്പിന്റെ കാലാവധിയും തീര്‍ന്നതു കൊണ്ട് ഇപ്പോള്‍ റേഷന്‍ നല്‍കുന്നത് അടയാളപ്പെടുത്താന്‍ നിവൃത്തിയില്ലാത്തതിനാല്‍ പൊതുജനം നേരിടുന്ന ബുദ്ധിമുട്ടിനു പരിഹാരം കണ്ടെത്തുക, കംമ്പൂട്ടര്‍വത്കണം ഉടനെ നടപ്പിലാക്കുക തുടങ്ങിയ ആവശ്യങ്ങള്‍ യോഗത്തില്‍ ഉന്നയിച്ചു. കെ.പി അബ്ദുസ്സലാം, കെ അബൂബക്കര്‍ മരവന്ത, കെ.ടി കുഞ്ഞി മുഹമ്മദ്, പി. മോഹന്ദാസ്, കെ. വിനോയ്, അലവി കുട്ടി വേങ്ങര, നാസര്‍ വേങ്ങര, ജയപ്രകാശ് എന്നിവര്‍ പങ്കെടുത്തു.