രാജ്‌കോട്ട്: സീസണിലെ ആദ്യ വിജയം കുറിച്ച് ഗുജറാത്ത് ലയണ്‍സ് കരുത്തു കാട്ടി. റൈസിങ് പൂനെ സൂപ്പര്‍ജയ്ന്റിനെ ഏഴു വിക്കറ്റിന് പരാജയപ്പെടുത്തിയാണ് ഗുജറാത്ത് ആദ്യ വിജയം സ്വന്തമാക്കിയത്.
ആദ്യം ബാറ്റു ചെയ്ത പൂനെ 20 ഓവറില്‍ എട്ട് വിക്കറ്റ് നഷ്ടത്തില്‍ 171 റണ്‍സെടുത്തപ്പോള്‍ ഗുജറാത്ത് 18 ഓവറില്‍ മൂന്നു വിക്കറ്റ് മാത്രം നഷ്ടപ്പെടുത്തി 172 റണ്‍സെടുത്തു വിജയിക്കുകയായിരുന്നു. മെക്കുല്ലം (49), ഡ്വെയ്ന്‍ സ്മിത്ത് (47), റെയ്‌ന (35), ഫിഞ്ച് (33) എന്നിവരുടെ അനായാസ ബാറ്റിങ് ഗുജറാത്തിനെ വിജയ തീരത്തെത്തിച്ചു.
നേരത്തെ ആന്‍ഡ്രു ടൈ ഹാട്രിക്കടക്കം അഞ്ചു വിക്കറ്റുകള്‍ വീഴ്ത്തി ഗുജറാത്തിനായി ബൗളിങില്‍ തിളങ്ങി. നായകന്‍ സ്റ്റീവന്‍ സ്മിത്ത് (43) പൂനെയുടെ ടോപ് സ്‌കോററായി. രാഹുല്‍ ത്രിപതി (33), മനോജ് തിവാരി (31) എന്നിവരും പൂനെയ്ക്കായി തിളങ്ങി.