കണ്ണൂര്‍: പുഴാതി പയറ്റിയാ കാവിനടുത്ത് വെച്ച് വീട് പണിക്കായി മുറിച്ച് വെച്ചിരുന്ന മരം കടത്തിയ സംഭവത്തില്‍ നാല് പേര്‍ അറസ്റ്റില്‍. വളപട്ടണം പൊലിസാണ് പ്രതികളെ അറസ്റ്റ് ചെയ്തത്. മാര്‍ച്ച് ആറിനാണ് കേസിനാസ്പദമായ സംഭവം. കീരിയാട് സ്വദേശികളായ നബീദ് പി എം (28), പ്രജില്‍ എ (28), ആരിഫ് (35), ചിത്രലേഖയുടെ മകനും കാട്ടാമ്പള്ളി ബാലന്‍കിണര്‍ സ്വദേശിയുമായ മനു (24) എന്നിവരാണ് പിടിയിലായത്. കാഞ്ഞിരത്തറ സ്‌കൂളിലെ പ്രധാനാദ്ധ്യാപിക ജലജയുടെ പരാതിയിലാണ് കേസെടുത്തത്. എസ്.ഐ സി.സി ലതീഷ്, എ.എസ്.ഐ കുഞ്ഞിരാമന്‍, സിവില്‍ പൊലിസ് ഓഫിസര്‍മാരായ ഗിരീഷ്, പ്രവീണ്‍, ശ്രീകുമാര്‍, രാജേഷ്, സംഘത്തില്‍ ഉണ്ടായിരുന്നു.