നാദാപുരം: ലോക കപ്പ് ഫുട്‌ബോളിന്റെ പ്രീ ക്വര്‍ട്ടര്‍ മത്സരങ്ങള്‍ ഇന്ന് ആരംഭിക്കാനിരിക്കെ പ്രമുഖ ടീമുകളുടെ ആരാധകരുടെ ചങ്കിടിപ്പ് ഏറ്റുന്നു.
കഴിഞ്ഞ ലോകകപ്പിലെ ചാപ്യന്‍ന്മാരായ ജര്‍മ്മനി പുറത്തായതോടെ അവരുടെ ആരാധകര്‍ കടുത്ത നിരാശയില്‍ കഴിയുകയാണ്. ഇതിനിടയിലാണ് ഏറെ ആരാധകരുള്ള ബ്രസീല്‍ അര്‍ജന്റീന ടീമുകള്‍ക്കു വേണ്ടി വീണ്ടും കണക്കു കൂട്ടലുകള്‍ ആരംഭിച്ചിരിക്കുന്നത്.മുമ്പോട്ടുള്ള കളികള്‍ മുഴുവന്‍ ജയിച്ചാലും രണ്ടു ടീമില്‍ ഒന്നിന് മാത്രമേ ഫൈനലില്‍ എത്താനാകൂ.
സെമിയില്‍ ഇരുടീമുകളും ഏറ്റുമുട്ടി ഒരു ടീം കൂടാരം കയറും. ഗ്രൂപ് പോരാട്ടഘട്ടത്തില്‍ അര്‍ജന്റീയുടെ മോശംപ്രകടനമാണ് അവര്‍ക്കു വിനയായത്. ഗ്രൂപ്പിലെ ദുര്‍ബല ടീമായ ക്രൊയേഷ്യ ഒന്നാം സ്ഥാനതെത്തിയതോടെ അര്‍ജന്റീനയുടെ മത്സര ഫിക്‌സ്ചര്‍ മാറി മറിയുകയായിരുന്നു .
ഫൈനലില്‍ ഇരു ടീമുകള്‍ക്കും ഒന്നിച്ചു കളിക്കാന്‍ കഴിയാത്ത അപൂര്‍വ സാഹചര്യമാണ് ആരാധകരെ കാത്തിരിക്കുന്നത്.