പാറക്കടവ്: കൃഷിയെ പ്രോത്സാഹിപ്പിക്കുന്നതിന്റെ ഭാഗമായി എല്ലാ വീട്ടിലും പച്ചക്കറി തോട്ടം പദ്ധതിയുമായി ചെക്യാട് പഞ്ചായത്തിലെ കല്ലുമ്മല്‍ വാര്‍ഡ്. എല്ലാ വീടുകള്‍ക്കും ആവിശ്യമായ വിത്തുകളുടെ വിതരണ ഉദ്ഘാടനം ഗ്രാമപഞ്ചായത്ത് വികസന സ്റ്റാന്റിങ് കമ്മിറ്റി ചെയര്‍മാന്‍ അഹമ്മദ് കുറുവയില്‍ നിര്‍വഹിച്ചു.
കൃഷി ഓഫിസര്‍ മുഹമ്മദ് ഫാസില്‍ അധ്യക്ഷനായി. പളനി സ്വാമി, സമദ് ജാതിയേരി, എ.പി ആലിക്കുട്ടി ഹാജി, കുഞ്ഞിപ്പറമ്പത്ത് കോരന്‍, വിജിത, ഗീത മൊയേരിച്ചീന്റെ വിട, ഷൈലജ കിഴക്കയില്‍ സംബന്ധിച്ചു.