സോള്‍: യു.എസുമായുള്ള നയതന്ത്ര പ്രശ്‌നം രൂക്ഷമാവുന്നതിനിടെ മിസൈല്‍ പരീക്ഷണവുമായി ഉത്തര കൊറിയ. കിഴക്കന്‍ തീരത്തു നടത്തിയ പരീക്ഷണം പക്ഷെ, പരാജയമായിരുന്നു.

ഉത്തരകൊറിയയിലെ സിന്‍പോ മേഖലയിലായിരുന്നു മിസൈലിന്റെ പരീക്ഷണം. ഇതേ സ്ഥലത്തു നിന്ന് നേരത്തെ, ബാലിസ്റ്റിക് മിസൈല്‍ പരീക്ഷണവും നടത്തിയിരുന്നു.

മിസൈല്‍ തൊടുത്തുവിട്ടെങ്കിലും ഉടനെ കത്തിയമര്‍ന്നുവെന്ന് യു.എസ് പസിഫിക് കമ്മാന്‍ഡ് പ്രതികരിച്ചു.

ഉത്തര കൊറിയയുടെ സ്ഥാപക പിതാവിന്റെ 105-ാം ജന്മദിനത്തോടനുബന്ധിച്ച് വന്‍ സൈനിക പരേഡ് നടത്തിയതിനു പിന്നാലെയാണ് മിസൈല്‍ പരീക്ഷണം.