മലപ്പുറം: വയനാട് ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി ടി. സിദ്ദീഖ് പാണക്കാട് സയ്യിദ് ഹൈദരലി ശിഹാബ് തങ്ങളെ കാണാനെത്തി.
ഇന്നലെ രാവിലെ 7.30 ഓടെയാണ് സിദ്ദിഖ് തങ്ങളെ സന്ദര്‍ശിച്ച് ആശീര്‍വാദം തേടാന്‍ പാണക്കാട്ടെത്തിയത്. നിലവിലെ രാഷ്ട്രീയ അന്തരീക്ഷത്തെക്കുറിച്ചും മണ്ഡലത്തിലെ സ്ഥിതിഗതികളെക്കുറിച്ചും അവര്‍ ചര്‍ച്ച നടത്തി.
മലപ്പുറം മണ്ഡലം യു.ഡി.എഫ് സ്ഥാനാര്‍ത്ഥി പി.കെ കുഞ്ഞാലിക്കുട്ടി, മലപ്പുറം ജില്ലാ ഡി.സി.സി പ്രസിഡന്റ് വി.വി പ്രകാശ് എന്നിവരും പങ്കെടുത്തു. മണ്ഡലത്തിന്റെ ഭാഗമായ ഏറനാട് നിയോജക മണ്ഡലം തെരഞ്ഞെടുപ്പ് കണ്‍വന്‍ഷനിലും പങ്കെടുത്ത ശേഷമാണ് സിദ്ദിഖ് വയനാട്ടിലേക്കു മടങ്ങിയത്. മലപ്പുറത്തെ ഏറനാട്, വണ്ടൂര്‍, നിലമ്പൂര്‍ നിയോജക മണ്ഡലങ്ങള്‍ വയനാട് ലോക്‌സഭാ മണ്ഡലത്തിന്റെ ഭാഗമാണ്്.