മന്ദ്‌സോര്‍: മധ്യപ്രദേശിലെ മന്ദ്‌സോറില്‍ എട്ടു വയസ്സുകാരി പീഡനത്തിരയായ സംഭവത്തില്‍ പ്രതിഷേധം ശക്തമാവുന്നു. കുട്ടികള്‍ക്കെതിരെ നടക്കുന്ന അതിക്രമങ്ങള്‍ക്കെതിരെ നൂറുകണക്കിന് പേര്‍ തെരുവിലിറങ്ങി.

ചൊവ്വാഴ്ച വൈകിട്ടാണ് സ്‌കൂളിനു പുറത്ത് കാത്തുനിന്ന കുട്ടി പീഡനത്തിരയായത്. സംഭവത്തില്‍ ബൈയൂ എന്ന ഇര്‍ഫാനെ (20) പൊലിസ് അറസ്റ്റ് ചെയ്തിട്ടുണ്ട്.

ബസ്റ്റാന്റിനു സമീപത്തെ കുറ്റിക്കാട്ടി കൊണ്ടുപോയി പീഡിപ്പിക്കുകയും കഴുത്തറുത്ത് കൊല്ലാന്‍ ശ്രമിക്കുകയും ചെയ്തു. അതീവ ഗുരുതര നിലയിലുള്ള കുട്ടി ഇപ്പോള്‍ ഇന്‍ഡോറിലെ ആശുപത്രിയിലാണ്.

അതേസമയം, സംഭവത്തില്‍ ആസിഫ് എന്നയാളെയും അറസ്റ്റ് ചെയ്തിട്ടുണ്ട്. ഇയാളെ പൊലിസ് കസ്റ്റഡിയില്‍ ആവശ്യപ്പെടും.