ന്യൂഡല്‍ഹി: തൃശൂര്‍ സീറ്റില്‍ ബി.ഡി.ജെ.എസ് സ്ഥാനാര്‍ഥി തന്നെ മത്സരിക്കുമെന്നും സ്ഥാനാര്‍ഥി പ്രഖ്യാപനം ഉടനെ ഉണ്ടാകുമെന്നും തുഷാര്‍ വെള്ളാപ്പള്ളി. പത്തംതിട്ടയില്‍ ബി.ജെ.പി സ്ഥാനാര്‍ത്ഥിയെ പ്രഖ്യാപിക്കാത്തതിന് തൃശൂര്‍ സീറ്റുമായി ബന്ധമില്ലെന്നും അദ്ദേഹം പറഞ്ഞു.

ഇതോടെ തൃശൂര്‍ സീറ്റില്‍ നോട്ടമിട്ട ബി.ജെ.പിയിലെ സ്ഥാനാര്‍ഥിമോഹികള്‍ക്കും നിരാശയായി. തുഷാര്‍ ഇവിടെ മത്സരിക്കുന്നില്ലെങ്കില്‍ കെ.സുരേന്ദ്രനെ മത്സരിപ്പിക്കുന്നതിനെക്കുറിച്ച് ബി.ജെ.പിയില്‍ ആലോചനയുണ്ടായിരുന്നു. അങ്ങനെ എങ്കില്‍ പത്തനംതിട്ടയുടെ കാര്യത്തിലും പ്രശ്‌നം പരിഹരിക്കാനാകുമെന്നും കണക്കുകൂട്ടിയിരുന്നു.
താന്‍ മത്സരിക്കുമോ എന്ന കാര്യത്തില്‍ ഉറപ്പ് പറയാനായിട്ടില്ലെന്നും മോദിയും അമിത് ഷായും തൃശൂരില്‍ തന്നെ മത്സരിക്കണമെന്ന് ആവശ്യപ്പെട്ടിട്ടുണ്ടെന്നും തുഷാര്‍ പറഞ്ഞു. പ്രഖ്യാപനത്തിനുള്ള നല്ല സമയം കാത്തിരിക്കുകയാണ്. പ്രഖ്യാപനത്തിനു പാര്‍ട്ടി യോഗം ചേര്‍ന്ന് നടപടി ക്രമം പൂര്‍ത്തിയാക്കണമെന്നും തുഷാര്‍ പറ!ഞ്ഞു.