കുഞ്ചത്തൂര്‍: ദുബൈ കാസര്‍കോട് ജില്ല കെ.എം.സി.സി മഞ്ചേശ്വരം യത്തീംഖാനയ്ക്ക് പ്രഖ്യാപിച്ച ഒരുലക്ഷം രൂപയുടെ സാമ്പത്തിക സാഹായം യത്തീംഖാന ഹാളില്‍ നടന്ന ചടങ്ങില്‍ വെച്ച് കൈമാറി. ദുബൈ കെ.എം.സി.സി ജില്ലാ പ്രസിഡന്റ് ഹംസ തൊട്ടി മഞ്ചേശ്വം യത്തീം ഖാന ചെയര്‍മാന്‍ ചെര്‍ക്കളം അബ്ദുള്ളയെ സഹായധനം ഏല്‍പിച്ചു. ട്രഷറര്‍ മുനീര്‍ പി. ചെര്‍ക്കളം, യത്തീംഖാന ദുബൈ കമ്മിറ്റി സെക്രട്ടറി അഷറഫ് കര്‍ള, എം. അബ്ദുള്ള മുഗു, ഫൈസല്‍ പൊടിപ്പള്ളം, യത്തീം ഖാനാ ഭാരവാഹികളായ മൊയ്തീന്‍ കുഞ്ഞി പ്രിയ, സയ്യിദ് ഹാജി, ഹാഷിര്‍ ഹാമിദി, എം കെ അലി മാസ്റ്റര്‍, അബ്ദുല്‍ റഹ്മാന്‍ ഹാജി, അമാനുള്ള ഹാജി, ഹാഷിം അരിയില്‍ സംസാരിച്ചു.