കോഴിക്കോട്: പൂര്‍വസൂരികളുടെ പാതയിലൂടെയുള്ള സമസ്തയുടെ ദഅ്‌വാ പ്രവര്‍ത്തനങ്ങള്‍ക്ക് അല്‍ബിര്‍റ് സംവിധാനത്തിന്റെ വളര്‍ച്ച അഭിമാനമുളവാക്കുന്നതായി സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ പറഞ്ഞു. സംസ്ഥാനത്തെ അല്‍ബിര്‍റ് സ്‌കൂള്‍ മനേജ്‌മെന്റ് മീറ്റ് 'തഖ്‌വിയ 19 ' ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഇന്നലെ സുപ്രഭാതം ഓഡിറ്റോറിയത്തില്‍ നടന്ന പരിപാടി അല്‍ബിര്‍റ് സ്റ്റേറ്റ് കണ്‍വീനര്‍ ഉമര്‍ ഫൈസി മുക്കം അധ്യക്ഷനായി. നിലവില്‍ സംസ്ഥാനത്ത് പ്രവര്‍ത്തിച്ചുകൊണ്ടിരിക്കുന്ന 168 സ്‌കൂളുകളില്‍ നിന്നുള്ള മുന്നൂറോളം പ്രതിനിധികള്‍ പങ്കെടുത്തു. മായിന്‍ഹാജി, മോയിന്‍കുട്ടി മാസ്റ്റര്‍, ആര്‍.വി കുട്ടിഹസന്‍ ദാരിമി സംസാരിച്ചു. ഇസ്മായില്‍ മുജദ്ദിദി, ഫൈസല്‍ ഹുദവി പരതക്കാട്, ഹൈദരലി വാഫി വിവിധ സെഷനുകള്‍ക്ക് നേതൃത്വം നല്‍കി. അല്‍ബിര്‍റ് എ.ഡി ഇബ്രാഹിം കുട്ടി സ്വാഗതവും എന്‍.കെ അഹമ്മദ് മാസ്റ്റര്‍ നന്ദി പറഞ്ഞു.