നെടുമങ്ങാട്:ഉറങ്ങിക്കിടന്ന വീട്ടമ്മയുടെ മാല പിടിച്ചു പറിച്ച കേസിലെ രണ്ടാം പ്രതി അറസ്റ്റില്‍. ചെറിയതുറ ഫിഷര്‍മെന്‍ കോളനിയില്‍ അനിലാ(31)ാണ് അറസ്റ്റിലായത്.
ഇക്കഴിഞ്ഞ 12ന് രാവിലെ മൂന്നിനായിരുന്നു കേസിനാസ്പദമായ സംഭവം. വെള്ളനാട് നാലുമുക്ക് ശ്രീ ശക്തി വീട്ടില്‍  തുളസീദേവി(76)യുടെ  രണ്ടര പവന്‍ തൂക്കം വരുന്ന മാലയാണ്  പൊട്ടിച്ചെടുത്തത്. കേസിലെ ഒന്നാം പ്രതിയെ വലിയതുറ പൊലീസ് സ്റ്റേഷനില്‍ സ്ത്രീ പീഡനക്കേസുമായി ബന്ധപ്പെട്ട് നേരത്തേ പിടികൂടിയിരുന്നു.
ആര്യനാട് സി.ഐ  അനില്‍ കുമാര്‍,എസ്.ഐ.വി.എസ്.അജീഷ് എന്നിവരടങ്ങുന്ന പൊലിസ് സംഘമാണ് പ്രതിയെ പിടികൂടിയത്.പ്രതിയെ റിമാന്റ് ചെയ്തു.