ഈരാററുപേട്ട : എന്റെ ഈരാറ്റുപേട്ട' മൊബൈല്‍ ആപ്ലിക്കേഷന്റെ വിവരശേഖരണത്തിന്റെ ഭാഗമായി ഓട്ടോറിക്ഷകളുടെ ഡാറ്റാ കളക്ഷന്‍ ഉദ്ഘാടനം സംയുക്ത ഓട്ടോറിക്ഷ തൊഴിലാളി യൂനിയനു വേണ്ടി സ്‌നേഹാദരന്‍ നിര്‍വ്വഹിച്ചു. കരീം സാഹിബ് ഓഡിറ്റോറിയത്തില്‍ നടന്ന ചടങ്ങില്‍ താഹാ നാകുന്നത്ത് അധ്യക്ഷനായി.
വിവിധ ട്രേഡ് യൂണിയനുകളെ പ്രതിനിധീകരിച്ച് കെ.ഐ നൗഷാദ്, എം.ജി രാജശേഖരന്‍, പി.എച്ച്.നൗഷാദ്, ഷെബീബ്ഖാന്‍ റയീസ് പടിപ്പുരക്കല്‍ തുടങ്ങി യവര്‍ സംസാരിച്ചു.
എന്റെ ഈരാറ്റുപേട്ട ഫേസ്ബുക്ക് കൂട്ടായ്മയുടെ നേതൃത്വത്തില്‍ ഈരാറ്റുപേട്ടയുടെയുടെയും സമീപ പ്രദേശങ്ങളിലെയും മുഴുവന്‍ വിവരങ്ങളും ഉള്‍പെടുത്തി വിപുലമായ രീതിയിലാണ് ആപ്ലിക്കേഷന്‍ തയ്യാറായിക്കൊണ്ടിരിക്കുന്നത്. ഏതാനും ദിവസങ്ങള്‍ക്കുള്ളില്‍ പുറത്തിറക്കാനാവുമെന്ന് ബന്ധ പ്പെട്ടവര്‍ അറിയിച്ചു.